這是製造曲奇餅的短片,請大家可以慢慢欣賞了:
2007年4月30日 星期一
我們的回禮小禮物Part I
好多朋友都八卦問我，結婚時你用咩做回禮小禮物呀！嘻嘻！當時我真係要賣個關子了，就話唔講得，只得我同阿榮老公兩個知，任何人我哋都唔會講的，因為我真係想比大家一個驚喜及心意。
我自己覺得回禮小禮物在結婚裡面都是重要的一部份，因為一對新人可以籍此表達對各位賓客的謝意，所以我自己就好著重這一部份。
在我決定結婚後，我一早巳安排用什麼來做回禮小禮物 - 就是我親手整的曲奇餅。為甚麼我會想到這款回禮小禮物呢？原因如下：
（1）親手做的，比起買的更加有心思，誠意。
（2）很多朋友都知道我很會做西餅，若然賓客吃了我倆親手做的曲奇餅，
一定感受到我倆的誠意及喜悅。
（3）可以給賓客驚喜。
（4）可以給我倆有個美好的回憶及過程。
（5）不想把我倆的姓名，圖像印在一些實物上，當賓客收到後，不知如何
處理它。
當然啦，用我部焗爐就焗到蚊訓了，我當然要打我的好友‘經理Winnie’的主意啦， ‘經理’部焗爐係大焗爐嚟的，所以有一次我同‘經理’講，有嘢想找你幫忙呀，不過唔可以講比其他聽，我又知‘經理’係一個又幫手又口密的人，終於佢答應咗我了。
決定要做了，‘經理’真係好好，好幫手呀，佢同我都諗咗好多嘢
老實講其實呢啲嘢應該係我同阿榮自己諗，自己買，我哋只係借‘經理’的焗爐，但係‘經理’真係好好，都唔係自己的事，佢都可以咁用心去幫我同阿榮老公。當我話比阿榮老公聽，阿榮老公心存感激，都話要好好多謝‘經理’呀！
好了，約定咗‘經理’五月一日去佢屋企到整了，原來當天‘經理’一家三口及工人都係哂到。。。。嘩。。真係唔好意思呀，攪到斯斯及Anthony都幫埋手，我哋真係巴閉了，大家就分工合作，攪吓攪吓，就由朝做到晚，不等做，個爐都未曾停過，就係咁我哋就完成咗幾百塊的結婚曲奇餅了。
完成後，非常欣賞及滿意我哋的小禮物，幻想當晚賓客收到，一定能夠感受到我倆的諴意及心思。（老實說：到過很多婚宴，我覺得自己的回禮小禮物暫時係最好的，請大家原諒我沾沾自喜啊！
**再此再三多謝-謝氐一家三口。如果無你哋的幫忙，我同阿榮老公都
唔會有咁靚咁精緻的回禮小禮物。
另外,係到順便向各賓客講聲唔好意思呀...因為有啲曲奇餅可能因為放涼時間不夠,所以可能有部份會比較'林'咗少少...請各位見諒啊!
2007年4月29日 星期日
我們回禮小禮物Part II
阿媽當然唔知道我要整咩回禮小禮物啦,我攞咗啲回禮小禮物的名牌回來,因為要整成幾百個, 好友'經理'一早幫我print定出嚟,然後分咗一半, 大家分工合作, 逐個逐個剪出來,其實好攰嫁.除咗仲要鑽,穿條金線,打結...睇落去好似好易,但係我哋真係花咗多時間,心血,心思做嫁.全程都係人手操作嫁.
媽咪見到,佢話我整得慢喎,見我雞手鴨腳,佢又話幫我手喎. 超級好呀....世上只有媽媽, 無法啦,鬼叫我係你個寶貝女咩!
短片:
2007年4月28日 星期六
接新娘遊戲工具之製作過程
講起接新娘遊戲, 係呢到要非常多謝好友'冰冰'的幫助, 所有遊戲的道具及材料差不多都是她負責的. 另外,都要多謝我媽咪,因為其中一個遊戲的孖煙通呢,要請媽咪代回家鄉找人訂做.
而家等你哋睇吓我哋的製作過程啦:
冰冰準備整第二個遊戲了, 超級無敵吹風車...
連我阿媽都要試玩......媽咪你個樣想嚇死人咩......
冰冰真係好細心兼厲害,我都無諗過,連呢個牌佢都有整呀,實在太好了!
冰冰真係好好呀,我都唔知佢會整呢個掛頸牌的, 好靚呀,你哋睇吓,冰冰啲手工真係好好, 又其係個兩朵玫瑰花呀,係立體的,我同阿榮都好喜歡呢!
仲有,呢張'愛的宣言' ,超級鐘意呀,有我喜歡的Hello Kitty and Dianel 啊!
係到真係要再三多謝好友'冰冰',真係好多謝你呀,因為係我的婚宴入面,你幫咗我同阿榮好多好多, 你除咗幫我整啲道具,仲有,幫我做阿四,又幫我搵我想要的歌曲....好多好多的準備工夫......
冰冰,謝謝您呀!
2007年4月21日 星期六
女家家鄉婚宴(觀瀾)
由於太多親戚都在家鄉,而且最重要的是我外婆在家鄉,所以我們要回去設宴了.
由於家鄉的習俗需要早過香港的設宴日期,所以我們定了早香港兩個星期回家鄉設宴了. 還特意的請了好友'冰冰'及'Gavin'幫手, 負責替我Set 頭,拍照,拍Video以及其他的雜項.
連我媽咪都有花球仔呀....好cute呀....
大姑丈, 大姑姐及表妹一家
細姑丈,細姑姐及表弟一家
到咗三星大酒店了....
係大陸擺酒呀, 好大碟嫁,但又好鬼好食嫁喎....
合家歡.
完成擺酒,返到屋企了....
當然要派利是了.....謝謝Gavin 及冰冰幫手,利利是是....
仲有我位好表妹呢...當然有份啦....
在花園影相留念...
訂閱：
文章 (Atom)